नेपाली काँग्रेस जिल्ला कार्य समिति कालीकोटको यही साउन २३ गते महाधिवेशन हुर्दै छ ।
काँग्रेसको नेतृत्व आफ्नो दाउँमा पार्नका लागि नेता कार्यकता जिल्ला केन्द्रीत भएका छन् । यसैका विचमा काँग्रेसका युवा नेता मीनबहादुर बोगटीको पनि उम्मेदवारी रहने भएको छ । उनको उम्मेदवारी कुन पदमा हुने भन्ने निश्चित नभएको भएपनि उनी अहिले नेता कार्यकतासंग सरसल्लाहमा जुटेका छन् ।
लामो समयदेखि नेपाली काँग्रेसको राजनीतिमा सक्रिय भएका मीनबहादुर बोगटी अहिले आफ्नो उम्मेदवारी रहने तर कुन पदमा भन्ने निश्चित नभएको बताउछन् । उनले भने, पाटीलाई चुस्त दुरुस्त बनाउन पुराना नेताको सम्मान गर्नका लागि पनि अहिले काँग्रेसको जिल्ला नेतृत्वमा युवाहरु आउनुपर्ने हुन्छ ।’
यस्तो छ बोगटीको राजनीतिक पृष्टभुमी
जिल्लाको नरहरिनाथ गाउँपालिका साविकको रुप्सा गाविसमा विःस २०२८ सालमा बुवा नैनबहादुर सहकारी र आमा विष्णुदेवि सहकारीका कोखबाट जन्मिएका बोगटी सानै उमेरदेखि काँग्रेसको राजनीतिमा सक्रिय रहेका छन् ।
उनी २०४८ सालमा नेपाल विद्यार्थी संघ कालीकोटको काठमाण्र्डौ सम्पर्क समितिको संस्थापक अध्यक्ष भएका थिए । उनी २०५५ सालमा नेपाल तरुण दलको प्रचार विभागका केन्द्रीय सदस्य हुन् । अहिलेपनि नेपाली काँग्रेस तरुण विभागका केन्द्रीय सदस्य, नेपाली काँग्रेस जिल्ला कार्य समिति कालीकोटका सदस्य रहेका छन् ।
उनी गत स्थानीय तह निर्वाचनमा नरहरिनाथ गाउँपालिकामा नेपाली काँग्रेसबाट पराजीत भएका थिए । उनी रेडियो मालिका, मालिका संचार सहकारी संस्था र ग्रामिण विकास तथा प्रयावरण संरक्षण मञ्च भिडिसेफ नेपालका अध्यक्ष समेत हुन् ।by ekarnalipati.com
