full screen background image
Search

कारागारले जुराएको माया संगै जोडिएको विवाह बन्धन

Dilli&Mansobhaदलसिंह गिरी
फागुन १२ कालिकोट/कारागारमा बन्दी जिबन विताईरहेका कैदी कोइराला र विष्ट कारागार भित्रै विवाह बन्दनमा बाधिएका छन् । जिल्ला कारागार कालिकोटमा कैदी जिबन विताईरहेका राचुली गाविस वडा नं. ९ का डिल्ली कोइराला र लालु गाविस वडा नं. ७ की मिम्कोशा विष्ट आज विहिवार बैबाहिक जिबनमा बाधिएका हुन् ।

३३ बर्षिया कोइराला आफ्नै पन्ती नन्दशोभा कोइरालाको हत्या अभियोगमा २०६८ साल देखि कैदी जिबन विताएका छन् भने ३० बर्षिया विष्ट आफ्नै पती प्रेम पिष्टको हत्या अभियोगमा २०७२ साल देखि जेल जिबन विताईरहेकी छन् । जिल्ला कारागारका प्रमुख संजय महतोका अनुसार पत्नी हत्या अभियोगका कोइरालाले २०६८ साल साउन २९ गते पत्नीको हत्या गरेपछि जिल्ला अदालत कालिकोटको फैसला अनुसार भदौ २२ गतेबाट कैद भोगीरहेका छन् भने मिम्कोशाले २०७२ असोज १ गते आफ्नै पतीको हत्या अभियोगमा जिल्ला अदालतको फैसला अनुसार असोज १० गतेबाट कैद भोगीरहेकी छन् ।

बुहारी हत्या अभियोगमा मुछिएकी डिल्लीकी आमा रत्ना कोइरालाले मिम्शोभालाई बुहारी बनाउने कुरा चलाई दुबैलाई राजी बनाएपछि दुबै जना विवाह बन्धनमा बाधिएका हुन् । हत्या अभियोगमा जेलजिबन विताइरहेका कोइराला र विष्टको घटनाको प्रकृति एउटै रहेको र डिल्लीकी आमाले आफ्नो छोरा र विष्टलाई विवाह बन्धनमा बाधिन आग्रह गरेका कारण आफुहरु विवाह बन्धनमा बाधिएका नब विवाहीत जोडीले बताएका छन् । दुबैले आफ्नो कम्जोरी महसुस गर्दै भविश्यमा जेलबाट छुटी बाकी जिबन सुखमय विकल्पको रुपमा विवाह बन्धनमा बाधिएको बताएका छन् ।

कोइराला र विष्ट कारागार भित्रै विवाह बन्धनमा बाधिए पनि कानुनी रुपमा जेल सजाय पुरा नहुदा सम्म संगै हुन नपाउने कारागार प्रमुख संजय महतोले बताउनु भएको छ । हत्या अभियोगका कोइरालाले पाएको सात बर्षे कैद सजाय पुरा गर्न अझै ३ वर्ष बाकी रहेको र विष्टले पाएको ५ बर्षे कैद सजाय पुरा गर्न अझै ४ वर्ष बाकी रहेको महतोले बताउनु भएको छ । हत्या अभियोगका कोइरालाको पहिलेकी पत्नीबाट २ छोरा छन् भने विष्टका १ छोरा र ३ छोरी रहेका छन् ।

कारागार भित्रै भएको विवाह कार्यक्रममा पुजारी जयचन्द्र अधिकारीले विधिगत तरिकाले विवाह गराउनु भएको छ भने विवाहमा सहभागि मानव अधिकार नागरिक समाज, पत्रकार लगायतले दुबै कोइरलार विष्टको वैवाहिक सम्वन्ध दिर्घायु रहोस् भन्दै शुभकामना दिएका छन् ।



Comments