full screen background image
Search

कालिकोटमा गोरु विनाको हलो जोताई

tilar-mesiपौष २५, २०७३ कालिकोट/जिल्लाको कृषि प्रणालीलाई यात्रिकिकरण गराउन कृषिकहरुका लागि आज जिल्ला सदरमुकाम मान्ममा आज १ हप्ते हलो जोताई तालिम संचालन गरिएको छ । जिल्लाको परम्पराग खेती प्रणाली आधुनिक एवं ब्यवशायिक खेती प्रणालीमा रुपान्त्रण गराउन तथा गोरु विनाको हलो जोताई प्रविधिको विकास गर्न १ हप्ते हलो जोताई तालिम संचालन गरिएको हो ।

जिल्ला विकास समितिका कार्यक्रम अधिकृत प्रबलजंग शाहीको अध्यक्षता सहायक प्रमुख जिल्ला अधिकारी पदमलाल लामिछानेको प्रमुख आथित्यतामा उद्घाटन गरिएको तालिममा टिलर मेसिन संचालन तथा मर्मत सम्भारका लागि कृषकहरुलाई लक्षित गरी संचालन गरिएको जिल्ला कृषि विकास कार्यालयका निमित्त प्रमुख एवं बागबानी अधिकृत भक्तिराम शर्माले बताउनु भएको छ । यस तालिमले जिल्लामा खस्कीदो कृषि प्रणालीलाई माथि उठाउन तथा कम लागतमै कृषि उत्पादनमा बृद्धि ल्याउने प्रमुख अथिति लामिछानेले बताउनु भएको छ ।

जिल्ला घरेलु तथा साना उद्योग विकास समिति र जिल्ला कृषि विकास कार्यालयको संयुक्त आयोजनामा संचालित तालिममा जिल्लाभर करिव ११ जना कृषकहरु सहभागि रहेको घरेलु तथा साना उद्योग विकास समितिका प्रमुख इन्द्र बहादुर थापाले जानकारी दिनु भएको छ ।



Comments